ئەمڕۆ ئەنجامی تیروپشکی حەج ڕادەگەیەنرێت و هۆشداری توندیش بە هاووڵاتییان دەدرێت

SNN-

دەستەی حەج و عومرەی عێراق ئەنجامی تیروپشکی ئەلیکترۆنی ڕادەگەیەنێت؛ هۆشداریش دەدرێتە هاووڵاتییان

ئەمڕۆ یەکشەممە، دەستەی باڵای حەج و عومرەی عێراق بەشێوەیەکی فەرمی ئەنجامی تیروپشکی ئەلیکترۆنیی حەج ڕادەگەیەنێت، ئەمەش دوای تەواوبوونی سەرجەم ڕێکارە پەیوەندیدارەکان.

بەپێی ڕاگەیەندراوێکی دەستەکە، ئەنجامەکان تەنها لە ڕێگەی ماڵپەڕی فەرمی و سەکۆ فەرمییەکانی دەستەکەوە بڵاودەکرێنەوە و داوا لە هاووڵاتییان دەکرێت پشت بە سەرچاوەی تر نەبەستن. لە بەرانبەریشدا، هۆشدارییەکی توند درا لەبارەی بەکارهێنانی بەستەر و پەڕە ساختەکانەوە کە بانگەشەی بڵاوکردنەوەی ئەنجامەکان دەکەن، بە ئامانجی دزینی زانیاریی کەسیی هاووڵاتییان یان کۆکردنەوەی لایک و بینەر.

لە لایەکی ترەوە، تا ئێستا دەستەی گشتیی حەج و عومرەی هەرێمی کوردستان وادەی ڕاگەیاندنی تیروپشکی ئەلیکترۆنی بۆ مەراسیمی حەجی ساڵی 2027 دیاری نەکردووە.