ترەمپ: پیرۆزبایی لە دیموكراتەكان دەكەم كارم لەگەڵ نەكەن هەموو شتێك ڤیتۆ دەكەم

واشنتۆن — لە دواین پەرەسەندنی سیاسی و دوای کۆتاییهاتنی پرۆسەی هەڵبژاردنەکان، دۆناڵد ترەمپ، سەرۆکی ویلایەتە یەکگرتووەکانی ئەمریکا، لە یەکەم کاردانەوەیدا سەبارەت بە ئەنجامەکان لە لێدوانێکدا بۆ کەناڵی “CBS News” ڕایگەیاند: “پیرۆزبایی لە دیموکراتەکان دەکەم؛ بەوپەڕی خۆشحاڵییەوە چاوەڕێی کارکردنم لەگەڵیاندا بۆ بەرژەوەندیی وڵاتەکەمان.”

ترەمپ جەختیشی کردەوە: “باوەڕم وایە دیموکراتەکان دەیانەوێت لەگەڵم کار بکەن؛ ئەگینا من ڤیتۆی هەموو شتێک دەکەم.”

شکاوی لە کۆنگرێس و ڕەخنە لە فۆکس نیوز: سەرۆکی ئەمریکا لە بەشێکی تری قسەکانیدا، هۆکاری شکستی پارتەکەی (کۆمارییەکان)ی خستە ئەستۆی کەناڵی “Fox News” و ڕەخنەی توندی لێگرتن بەوەی بە بەردەوامی میوانداریی نەیارەکانی لە دیموکراتەکان کردووە. ئەمەش لە کاتێکدایە کە پارتی کۆماری کۆنتڕۆڵی هەردوو ئەنجوومەنی کۆنگرێسی لەدەستداوە بەپێی ئەم ئەنجامە فەرمییانەی خوارەوە:

ئەنجوومەنی پیران: دیموکراتەکان 52 کورسی و کۆمارییەکان 40 کورسییان مسۆگەر کردووە.

ئەنجوومەنی نوێنەران : دیموکراتەکان خاوەنی 215 کورسی و کۆمارییەکان خاوەنی 128 کورسین.

حاکمی ویلایەتەکان: دیموکراتەکان سەرکردایەتیی 26 ویلایەت و کۆمارییەکان 17 ویلایەتیان لە دەستدایە.

دۆسیەی ئێران: لەبارەی گرژییە هەرێمییەکان و دۆسیەی ئێرانەوە، ترەمپ هەڵوێستێکی توندی گرتە بەر و ڕایگەیاند: “شەڕ لەگەڵ ئێران کاتێک کۆتایی دێت کە من بڕیار بدەم کۆتایی پێبێت و ڕاستەوخۆ ڕایبگەیەنم کە کۆتایی هاتووە.”