واشنتۆن 20 ملیۆن دۆلار دەدات بە زانیاری لەسەر بەرنامە ئەتۆمیەکەی ئێران
دامەزراوەیەکی ئەتۆمیی
SNN
پرۆگرامی پاداشت له پێناوی دادپه‌روه‌ری سه‌ر به وه‌زاره‌تی ده‌ره‌وه‌ی ئه‌مه‌ریكا له ڕاگه‌یه‌نراوێكدا دووپاتی كرده‌وه، پاداشتێك كه به‌هاكه‌ی ده‌گاته 20 ملیۆن دۆلار و مافی هاووڵاتیبوون ده‌به‌خشنه هه‌ر كه‌سێك كه زانیاری ورد له‌باره‌ی به‌رنامه‌ی ناوكی ئێران به ئه‌مه‌ریكا ببه‌خشێت.
له‌باره‌ی جۆری زانیارییه‌كان، ئاماژه دراوه، دامه‌زراوه‌كان و كه‌لوپه‌ل و كه‌سه‌كانی پێوه‌ست به‌و به‌رنامه‌یه و كارمه‌ندان و زانایان و هه‌ر پرۆسه‌یه‌كی پێوه‌ست به گواستنه‌وه‌ی ماده ئه‌تۆمییه‌كان پێویست و داواكراون.
پێشتر دووپات له‌وه كراوه‌ته‌وه كه ئێران یۆرانیۆمی تا ئاستی 60% پیتاندووه و بۆ دروستكردنی چه‌كی ئه‌تۆمیش پێویسته ئه‌و ڕێژه‌یه تا ئاستی 90% به‌رز بكرێته‌وه.
ماوه‌یه‌كی زۆره ئێران پابه‌ندی هیچ ڕێوشوێن و كۆتوبه‌ندێكی ئاژانسی نێوده‌وڵه‌تی وزه‌ی ناوكی نه‌بووه، ئه‌مه‌یش ده‌ستكراوه‌ی كردووه له‌وه‌ی په‌ره‌ی زیاتر به پیتاندنی یۆرانیۆم بدات.
